Tibetan Content

Requires Microsoft's Himalaya font to view properly.

H.E. Asanga Rinpoche Honors H.H. Jigdal Dagchen Dorje Chang

HHJDS IMG 1620

འདི་རིང་ཕྱི་ཟླ་བཞི་པའི་ཚེས་ཉི་ཤུ་བཞིའི་ཉིན་ཨ་རི་སཱེ་ཡ་ཊལ་ས་སྐྱ་དགོན་པར་ལདཔལ་ས་སྐྱའི་༧སྐྱབས་མགོན་གོང་མ་བདག་ཆེན་

འཇིགས་བྲལ་རྡོ་རྗེ་འཆང་མཆོག་སྐུ་བདེ་བར་གཤེགས་ནས་ལོ་ངོ་གཅིག་འཁོར་བ་ཡིན་པ་དང་།དུས་ཆེན་འདི་དང་སྟབས་བསྟུན་

ནས་མགོན་པོ་གང་ཉིད་ཀྱི་གདན་ས་ས་མགོན་བརྩེ་ཆེན་ཀུན་

ཁྱབ་ཐེག་མཆོག་མདོ་སྔགས་ཆོས་གླིང་དུ།སྤྱིར་ཕྱི་གླིང་པའི་ཚུལ་དུ་བྱས་ན་དུས་ཆེན་ངོ་མ་ནི་ཕྱི་ཟླ་བཞི་པའི་ཚེས་ཉི་ཤུ་དགུ་ཉིན་ཡིན་ནའང་།ཕྱི་ཟླ་བཞི་པའི་ཚེས་ཉི་ཤུ་བཞི་

ནས་སུམ་བཅུའི་བར་མགོན་པོ་གང་ཉིད་ཀྱི་དགོངས་རྫོགས་

མཆོད་འབུལ་ཀྱི་ཚུལ་དུ་འཕགས་མཆོག་སྤྱན་རས་གཟིགས་ཀྱི་

སྒྲུབ་མཆོད་ཐེངས་དང་པོར་ཚོགས་བཞིན་ཡོད།དེ་བཞིན་ཆེས་ཁྱད་པར་དུ་འཕགས་པའི་དུས་ཁྱད་པར་ཅན་

འདི་ལ་མགོན་པོ་གང་ཉིད་སྐུ་མྱ་ངན་ལས་མ་འདས་གོང་།མགོན་པོ་གང་ཉིད་ཀྱི་ཞལ་ནས།"ང་འདས་ཚར་བའི་རྗེས་ལ་

ཨ་རིའི་ས་སྐྱ་མགོན་པ་འདིར་ངའི་འདྲ་སྐུ་ཞིག་བཟོས་ནས་བཞགས་ན་ལེགས"ཞེས་བཀའ་མཆོག་ཟབ་མོ་ནན་ཏན་འཕེབས་པ་

བཞིན་དུ།ད་ལམ་མགོན་པོ་གང་ཉིད་ཀྱི་སྐུ་འདྲ་མཐོང་གྲོལ་ཆེན་མོ་

ཇི་ལྟར་བཀའ་གནང་བ་བཞིན་ལེགས་པར་བསྒྲུབས་བཟིན་པ་

དང་།མགོན་པོ་གང་ཉིད་སྐུ་མྱ་ངན་ལས་འདས་པའི་དུས་

ཁྱད་པར་ཅན་འདི་ལ་དམིགས་ནས་འཕགས་པ་ཐུགས་རྗེ་ཆེན་པོའི་

སྒྲུབ་མཆོད་ཚོགས་བཞིན་པའི་སྐབས་འདིར།སྐུ་འདྲ་མཐོང་གྲོལ་

ཆེན་པོ་དེ་གང་ཉིད་བཞུགས་ས་མི་འཇིགས་གདོང་ལྔས་ཕྱོགས་

བཞི་ནས་བསྟེག་བཞིན་གཟི་བརྗིད་ཀྱིས་རབ་ཏུ་བརྗིད་པའི་ཁྲི་འཕང་མངོན་པར་མཐོ་བའི་སྟེང་དུ།སྤོས་སྣ་སོགས་ཀྱིས་གདན་འདྲེན་ཟབ་མོ་ཇི་ལྟར་ཞུས་པ་བཞིན་དག་པའི་ཡེ་ཤེས་སྐུ་འདྲ་མཐོང་གྲོལ་ཆེན་

པོར་འཐིམས་བཞིན་པའི་ངང་བཞུགས་ནས་རྗེས་འཇུག་སློབ་འབངས་

རྣམས་ལ་ཐུགས་རྗེ་སྤྱན་གྱིས་གཟིགས་ཤིང་བྱིན་རླབས་ཟབ་མོ་སྩོལ་དང་སྩོལ་བཞིན་པའོ།

HHJDS IMG 1619

Last Updated: Thursday, 27 April 2017 20:34

ཆོས་བརྡ།

རྡོ་རྗེ་གདན་པ་ཞབས་ཀྱི་ཆོས་དྲུག

༧སྐྱབས་རྗེ་གདུང་སྲས་ཨ་བི་ཀིར་ཏ་བཛྲ་རིན་པོ་ཆེ་མཆོག་ནས།ཕྱི་ལོ་༢༠༡༧ཟླ༢པའི་ཚེས༡༨ནས༢༠བར་ཉིན་གསུམ་གྱི་རིང་ཨ་རིའི་སི་ཨ་ཀྲལ་ན་ཡོད་པའི་ས་སྐྱ་དགོན་པར་རྡོ་རྗེ་གདན་པའི་ཆོས་དྲུག་གི་བཀའ་ཆོས་ཟབ་མོ་གནང་རྒྱུ།

རྡོ་རྗེ་གདན་པ་ནི་དུས་སྐབས་བར་མའི་དུས་མགོའི་འཕགས་ཡུལ་གྱི་གསང་སྔགས་ཀྱི་མཁས་གྲུབ་ཤིག་ཡིན་ལ།ཁོང་ནི་བོད་བརྒྱུད་ནང་བསྟན་སྤྱི་དང་ཡང་སྒོས་སུ་དཔལ་ལྡན་ས་སྐྱ་པའི་ཟབ་ཆོས་དུ་མའི་འབྱུང་ཁུངས་ཞིག་ཡིན།ས་སྐྱའི་གོང་མ་རྣམ་པས་ཁོང་གི་དབང་ཁྲིད་བཀའ་ཆོས་སྤྱི་དང་བྱེ་བྲག་བཀའ་ཆོས་དྲུག་པོ་འདི་ནི་ཟབ་པ་དང་ནུས་ཅན་ཡིན་པས་ཤིན་ཏུ་དཀོན་པའི་ཟབ་ཆོས་ཤིག་ཏུ་བརྩི།ཐེངས་འདིར་ཆེས་ཐོག་མར་དཔལ་ས་སྐྱའི་དགོན་པར་༧སྐྱབས་རྗེ་གདུང་སྲས་ཨ་བི་ཀྲི་ཏ་བཛྲ་རིན་པོ་ཆེ་མཆོག་ནས་ཟབ་ཆོས་དེ་དག་གནང་རྒྱུ་གཏན་འཁེལ་བ་ལྟར།

ཆོས་ཞུ་བ་དག་གིས་བཀའ་དབང་དེ་དག་ལས་གཅིག་གམ་དུ་མ།ཡང་ན་ཆ་ཚང་འདོད་མོས་ལྟར་ཞུ་ཆོག།ཡིན་ནའང་མཐའ་མའི་ཐུན་མོང་མ་ཡིན་པའི་ལུང་དང་ཉམས་ལེན་གྱི་ཡིག་ཆ་ནི་དབང་ཆ་ཚང་ཞུ་མཁན་ཁོ་ན་ལ་གནང་རྒྱུ།དབང་ལུང་ཆ་ཚང་གི་ཡོན་ནི་ཚོགས་མི་མ་ཡིན་པ་ལ་ཨ་སྒོར་༣༠༠རེ་དང་ཚོགས་མི་རྣམས་ལ་ཨ་སྒོར་༢༢༠རེ་དང་།གལ་ཏེ་དེའི་ནང་ནས་རང་མོས་ཆོས་ཞུ་བ་རྣམས་ལ་བཀའ་དབང་རེར་ཚོགས་མི་མིན་པར་ཨ་སྒོར་༤༠རེ་དང་ཚོགས་མིར་ཨ་སྒོར༣༠རེ་ཡིན་ནོ།

ཐོ་འགོད་སའི་དྲྭ་ཚིགས་གཤམ་གསལ་ལྟར་ཡིན།

 

http://www.sakya.org/specialevents/981-Six-Dharmas

 

 

 

མཛད་རིམ།

 

 

 

ཉིན་དང་པོ།

ཆོས་ཐུན་དང་པོ།སྔོན་འགྲོའི་བཀའ་ཁྲིད།

བཀའ་ཁྲིད་གནང་མཁན།  འཁོན་གདུང་ཨ་བྷ་ཡ་བཛྲ་རིན་པོ་ཆེ་མཆོག

སྤྱི་ལོ་༢༠༡༧ཟླ༠༢པའི་ཚེས་༡༨ཉིན།སྔ་དྲོ་ཕྱག་ཚོད་༡༠:༣༠ཐོག

        རྡོ་རྗེ་གདན་པའི་ཆོས་དྲུག་པོ་ནི་གསང་སྔགས་རྡོ་རྗེ་ཐེག་པའི་ཁོངས་གཏོགས་ཡིན་ཞིང་།འདི་ནི་ཐེག་པ་ཆེན་པོའི་ནང་ནས་ཐུན་མིན་འབྲས་བུའི་ཐེག་པའི་ཆོས་ཤིག་ཡིན་པས།དད་ལྡན་ཆོས་ཞུ་བ་རྣམ་པས་ཐོག་མར་རྒྱུའི་ཐེག་པའི་ལམ་ལ་ཞུགས་ཤིང་སློབ་སྦྱོང་བྱེད་དགོས།དེ་ནི་དཀོན་མཆོག་གསུམ་ལ་སྐྱབས་སུ་འགྲོ་བ་དང་བྱང་ཆུབ་ཀྱི་སེམས་བསྐྱེད་རྒྱུ་དེ་ཡིན།བྱང་ཆུབ་ཀྱི་སེམས་བསྐྱེད་ནི་མཁའ་ཁྱབ་སེམས་ཅན་ཐམས་ཅད་ཀྱི་དོན་དུ་རྣམ་མཁྱེན་རྫོགས་པའི་སངས་རྒྱས་ཀྱི་གོ་འཕང་ཐོབ་པར་འདོད་པའི་གཞན་ཕན་གྱི་བློ་ཞིག་གོ

         ཐེངས་འདིར་འདི་ལྟ་བུའི་ཆོས་སྒོར་ཐོག་མར་ཞུགས་མཁན་དང་།འདི་ལྟ་བུའི་གལ་ཆེ་བའི་ཆོས་ཞུ་འདོད་མཁན་དག་ལ།༧སྐྱབས་རྗེ་གདུང་སྲས་ཨ་བྷ་ཡ་བཛྲ་རིན་པོ་ཆེ་མཆོག་ནས་ཐོག་མར་སྔོན་འགྲོའི་བཀའ་ཁྲིད་ཟབ་མོ་བསྩལ་གནང་རྒྱུ།

 

 

ཆོས་ཐུན་གཉིས་པ།འོད་ཟེར་ཅན་མའི་བཀའ་དབང་།

སྤྱི་ཟླ་༠༢པའི་ཚེས་༡༨ཉིན།ཕྱི་དྲོ་ཕྱག་ཚོད་:༠༠པའི་ཐོག

དཔལ་ས་སྐྱ་པ་རྣམས་ནས་དུས་རབས་དུ་མར་འོད་ཟེར་ཅན་མ་སྒྲུབ་པར་བརྟེན་ནས་ཕྱིའི་སྒྲིབ་པ་མཐའ་དག་སེལ་ཞིང་།དེ་དང་འབྲེལ་བའི་སེམས་ཁྲལ་དང་གནོན་ཤུགས་སོགས་བློ་སེམས་མི་བདེ་བའི་གནས་ཚུལ་ཞི་བར་བྱས་ཡོད་ལ།ཐེངས་འདིར་འོད་ཟེར་ཅན་མའི་བཀའ་དབང་ཐོབ་མཁན་རྣམ་པས་འདིའི་སྒྲུབ་ཐབས་ཉམས་སུ་ལེན་པའི་དབང་འཐོབ་པ་དང་།།དགོས་ངེས་ཀྱི་ལྗགས་ལུང་ཡང་འཐོབ་པའོ།དེ་བས་ཉམས་ལེན་པ་དག་ལ་སངས་རྒྱས་ཀྱི་མདོ་དང་འབྲེལ་ནས།ཆུ་སྲུང་དང་འཇིགས་པ་འཇོམས་པའི་ཐུན་མོང་མ་ཡིན་པའི་ལྟ་སྒོམ་ཉམས་སུ་ལེན་ཆོག

ཆོས་ཞུ་བའི་ཆ་རྐྱེན།སྐྱབས་འགྲོའི་སྡོམ་པ་ཞུ་མྱོང་མཁན་དང་སྨོན་པ་བྱང་ཆུབ་གྱི་སེམས་བསྐྱེད་མཁན།བཀའ་དབང་གི་སྔ་རོལ་དུ་དཀར་ཟས་ལ་རོལ་དགོས།

དམ་བཅའ།བྱང་ཆུབ་སེམས་བསྐྱེད་དགོས།

ཆོས་ཐུན་གསུམ་པ།མི་གཡོ་བ་སྔོན་པོ།

དུས་ཚོད།སྤྱི་ཟླ་པའི་ཚེས་༡༨ཕྱི་དྲོ་ཕྱག་ཚོད་བཞི་པ།

ཡི་དམ་མི་གཡོ་བའི་སྒྲུབ་ཐབས་ཐུན་མོང་མ་ཡིན་པ་འདི་ནི་སྔོན་ས་ཆེན་ཀུན་དཀའ་སྙིང་པོ་བསྙེན་མཚམས་ཐོག་མར་བཞུགས་སྐབས་བར་ཆད་སེལ་བའི་ཆེད་དུ་ཉམས་ལེན་གནང་བས་བར་ཆད་ཞི་ནས་རྗེ་བཙུན་འཇམ་པའི་དབྱངས་ནས་ཞེན་པ་བཞི་བྲལ་གྱི་གདམས་ངག་ཟབ་མོ་ཐོབ།མི་གཡོ་བའི་ཉམས་ལེན་འདི་ནི་གཙོ་བོ་རང་ཉིད་རྣམ་མཁྱེན་ཐོབ་བྱེད་ལ་ནང་གི་བར་ཆད་སེལ་བའི་ཆེད་དུ་དང་།དབང་འདིར་ཆུ་སྲུང་བར་ཆད་སེལ་བའི་བྱིན་རླབས་དང་།ཉམས་ལེན་པ་དག་སོ་སོའི་སྔགས་ཆུ་བཟོ་ཆེད་མཁོ་བའི་ལུང་ཡང་ཡོད།

ཆོས་ཞུ་བའི་ཆ་རྐྱེན།སྐྱབས་སེམས་དང་དབང་གི་སྔོན་དུ་དཀར་ཟས་ཁོ་ནར་རོལ་དགོས།

དམ་བཅའ།བྱང་ཆུབ་སེམས་བསྐྱེད་དགོས།

ཉིན་གཉིས་པ།

 

 

ཆོས་ཐུན་བཞི་པ།ཐུབ་པ་མེ་རུ་ཤི་ཁ་ར

སྤྱི་ཟླ་པའི་ཚེས་པ་༡༩ཕྱག་ཚོད་༡༠:༣༠

དུས་རབས་བར་མའི་དུས་སྟོད་ཙམ་ལ་རྡོ་རྗེ་གདན་པ་མཆོག་ནི་སྟོན་པ་ཤཱཀྱ་ཐུབ་པ་མངོན་པར་འཚང་རྒྱ་བའི་གནས་བྱང་ཆུབ་ཤིང་དྲུང་དུ་བཞུགས།ད་ལྟའི་ཉམས་ལེན་པ་དག་ལ་ཡང་སྔར་བཞིན་བྱང་ཆུབ་ཤིང་ལས་ཟམ་མ་ཆད་པར་ཐུབ་པའི་བྱིན་རླབས་བརྙེས་པ་བཞིན།དབང་འདི་བརྒྱུད་ནས་ཚེ་རིང་པོ་སྒྲུབ་པའི་གསང་བའི་ཆོས་སྒོ་ཟབ་མོ་ཐུབ་པ་ཤིང་དྲུང་དུ་སྒོམ་ནས་སྒྲུབ་ཐབས་འདི་ངོ་སྤྲོད་རྒྱུ།

ཆོས་ཞུ་བའི་ཆ་རྐྱེན།སྐྱབས་སེམས་དང་སྔོན་དུ་དཀར་ཟས་ཁོ་ནར་རོལ་དགོས།

དམ་བཅའ།བྱང་ཆུབ་སེམས་བསྐྱེད་དགོས།

 

 

ཆོས་ཐུན་ལྔ་པ།སངས་རྒྱས་སྤྱན་མ།

གཟའ་ཉི་མ།སྤྱི་ཟླ་པའི་ཚེས་༡༩།ཕྱག་ཚོད་

སངས་རྒྱས་སྤྱན་མའི་དབང་འདིས་ཉམས་ལེན་པ་དག་གི་བསྙེན་སྒྲུབ་ཟབ་མོ།ན་ཚ་དང་སྡུག་བསྔལ་སེལ་ཐབས་ལ་ཞུགས་ཆོག

ཆོས་ཞུ་བའི་ཆ་རྐྱེན།སྐྱབས་སེམས་དང་སྔོན་དུ་དཀར་ཟས་ལ་རོལ་དགོས།

དམ་བཅའ།བྱང་ཆུབ་སེམས་བསྐྱེད་དགོས།

 

 

ཆོས་ཐུན་དྲུག་པ།སྤྱན་རས་གཟིགས་ཡི་གེ་ཕྱེད་དང་བཞི་པ།

གཟའ་ཉི་མ།སྤྱི་ཟླ་པའི་ཚེས་༡༩ཕྱག་ཚོད་བཞི་པ།

སྤྱན་རས་གཟིགས་སྙིང་རྗེའི་ལྷ་ནི་དཔལ་ས་སྐྱ་དགོན་པའི་ཉམས་ལེན་གཙོ་བོ་ཞིག་ཡིན་ལ།དབང་འདི་ནི་སྤྱན་རས་གཟིགས་ཐུན་མིན་ཞིག་སྟེ་ཉམས་ལེན་པ་དག་ལ་མཚན་མོ་གཉིད་ལ་བར་ཆད་མེད་པ་དང་།མཚན་མོར་བསྒྲུབ་པའི་སྤྱན་རས་གཟིགས་ཡི་གེ་ཕྱེད་དང་བཞི་པའི་ལྟ་སྒོམ་འདི་དུས་ཐུང་ཤིང་ནུས་པ་ལྡན་ལ།འདིས་རྨི་ལམ་ངན་པ་སེལ་བ་དང་།བདེ་སྐྱིད་ཚེ་རིང་བ་སོགས་ནུས་སོ།

ཆོས་ཞུ་བའི་ཆ་རྐྱེན།སྐྱབས་སེམས་དང་སྔོན་དུ་དཀར་ཟས་ཁོ་ནར་རོལ་དགོས།

དམ་བཅའ།བྱང་ཆུབ་སེམས་བསྐྱེད་དགོས།

                                     

                                                      

ཉིན་གསུམ་པ།

ཆོས་ཐུན་བདུན་པ།ཐུབ་པ་དམ་ཚིག་གསུམ་བཀོད།

དུས་ཚོད།༢༠༡༧ལོ་སྤྱི་ཟླ༠༢པའི་ཚེས་༢༠ཉིན།ཞོགས་པ་ཕྱག་ཚོད་༡༠:༣༠ཐོག

རྡོ་རྗེ་གདན་པའི་ཆོས་དྲུག་ཞེས་མཆོག་ཏུ་གྱུར་པའི་ཉམས་ལེན་གྱི་ཆོས་ཀྱི་ནང་ནས་དྲུག་པ་ནི་སྟོན་པ་ཤཱཀྱ་ཐུབ་པའི་སྐུའི་རྣམ་པ་གཞན་ཞིག་ཡིན་ཏེ།མཚན་ལ་ཐུབ་པ་དམ་ཚིག་གསུམ་བཀོད་ཞེས་སོ།བཀའ་དབང་འདིས་ཉམས་ལེན་པར་སྒྲུབ་ཐབས་དམིགས་གསལ་ཞིག་ཉམས་སུ་ལེན་ཆོག་ལ།སྒྲུབ་ཐབས་འདི་ནི་འཕགས་པ་བཟང་པོ་སྤྱོད་པའི་སྨོན་ལམ་ལས་གསོལ་འདེབས་ཡན་ལག་བདུན་པ་དང་ཐུབ་པ་དམ་ཚིག་གསུམ་བཀོད་ཡི་གེ་བརྒྱ་པ་བཅས་ཀྱིས་རྨང་གཞིར་བྱས་པས།འདིས་སྡིག་ལྟུང་གི་སྒྲིབ་པ་གཙང་སེལ་བྱེད་ཅིང་ཉམས་ལེན་འཕེལ་བའི་བར་ཆད་དང་སྡོམ་པར་གནོད་པའི་སྟོབས་ཚང་མ་ཞི་བར་བྱེད།

          གལ་སྲིད་བཀའ་དབང་ཡོངས་རྫོགས་ཞུ་འདོད་ན།ཕྱག་ཚོད་:༣༠ལ་དབུ་བརྩམ་པའི་གདམ་ཀའི་རང་བཞིན་གྱི་སྒྲུབ་པར་ཞུགས་ཤིང་།དུས་ཐུང་ངུའི་བསྙེན་གནས་ཀྱི་སྡོམ་པ་དང་བཟང་པོ་སྤྱོད་པའི་སྨོན་ལམ་གྱི་ལྗགས་ལུང་ཞུ་དགོས།

ཆོས་ཞུ་བའི་ཆ་རྐྱེན།སྐྱབས་འགྲོ་སྡོམ་པ་ཡོད་མཁན་དང་སྨོན་པ་བྱང་ཆུབ་གྱི་སེམས་བསྐྱེད་མཁན།བཀའ་དབང་གི་སྔོན་དུ་དཀར་ཟས་ལ་རོལ་དགོས།

དམ་བཅའ།བྱང་ཆུབ་གྱི་སེམས་བསྐྱེད་དགོས།གལ་སྲིད་རང་ཁྱིམ་ལ་སྒྲུབ་ཐབས་ཆ་ཚང་པ་བསྒྲུབས་འདོད་ན།སྤོས་ལ་སོགས་པའི་ཡོ་བྱེད་ཆ་ཚང་དགོན་པའི་ཚོང་ཁང་ནས་བླུ་ཆོག  འདི་ག་དགོན་པར་སྟོན་པ་ཤཱཀྱ་ཐུབ་པའི་སྐུ་འདྲ་ཉུང་ཤས་ཤིག་ལས་བླུ་རྒྱུ་མེད་པས་གཞན་ས་ནས་བླུ་ནའང་ཆོག

 

 

ཆོས་ཐུན་བརྒྱད་པ།   ཐུན་མིན་ཉམས་ལེན་གྱི་ལྗགས་ལུང་དང་མན་ངག་གནང་རྒྱུ།

སྤྱི་ལོ་༢༠༡༧ཟླ་༠༢པའི་ཚེས་༢༠ཉིན།ཕྱི་དྲོ་ཕྱག་ཚོད:༠༠ཐོག

རྡོ་རྗེ་གདན་པའི་ཆོས་དྲུག་པོ་ཡོངས་སུ་རྫོགས་པ་ཞུ་མཁན་གྱི་སློབ་མས་ལྗགས་ལུང་ཆ་ཚང་དང་ཤིན་ཏུ་དཀོན་པའི་མན་ངག་དག་ཞུ་བ་དང་།ཇི་ལྟར་འདི་ལྟ་བུའི་རྨད་བྱུང་གི་ཆོས་དག་ཉམས་སུ་ལེན་ཚུལ་སྦྱང་ཆོགཆོས་དཔེ་ཆ་ཚང་ཡང་རིན་མེད་དུ་དབུལ་རྒྱུ་ཡིན།

ཆོས་ཞུ་བའི་ཆ་རྐྱེན།རྡོ་རྗེ་གདན་པའི་ཆོས་དྲུག་པོའི་བཀའ་དབང་ཡོངས་རྫོགས་ཞུ་མཁན།

དམ་བཅའ།སྔར་གྱི་བཀའ་དབང་དག་གི་དམ་བཅའ་ལྟར་རོ།

 

 

ཆོས་ཐུན་དགུ་པ།  བརྟན་བཞུགས།

ཚེས་པ༢༠ཕྱག་ཚོད་:༠༠ཐོག

བླ་མས་རྡོ་རྗེ་གདན་པའི་བཀའ་ཆོས་ཟབ་མོ་གནང་བར་བཀའ་དྲིན་ཞུ་སླད།༧སྐྱབས་རྗེ་གདུང་སྲས་ཨ་བྷ་བཛྲ་རིན་པོ་ཆེ་དབུས་མཎྜལ་འབུལ་བ་དང་ཞབས་བརྟན་གསོལ་འདེབས་གནང་སྟེ།ཐེངས་འདིའི་མཛད་རིམ་ཆ་ཚང་བའོ།                                                      

Last Updated: Tuesday, 27 December 2016 18:34

༧སྐྱབས་མགོན་༧གོང་མ་རིན་པོ་ཆེས་མ་འོངས་པ་༧དཔལ་ལྡན་༧ས་སྐྱ་པའི་ཁྲི་འཛིན་གནང་ཕྱོགས་སྐོར་གྱི་གལ་ཆེའི་བཀའ་སློབ་གནས་མཆོག་ལུམྦི་ནི་ནས། བོད་རྒྱལ་ལོ།༢༡༤༡/ སྤྱི་ལོ། ༢༠༡༤/༡༢/༡༡/

 

 

HHDL Letter - Tibetan HHST Letter - Tibetan HHST Letter - English

 

Last Updated: Monday, 31 August 2015 18:48

Letter Honoring H.H. Jigdal Dagchen Sakya

 

 

HHJDS Letter 3
Last Updated: Monday, 31 August 2015 16:41

དཔལ་ས་སྐྱའི་༧བདག་ཁྲི་རིན་པོ་ཆེ་མཆོག་སྟོན་འཁོར་གྱིས་ཨ་རིའི་སེ་ཨ་ཁྲལ་ས་སྐྱ་དགོན་པར་ཆིབས་བསྒྱུར་བཀའ་དྲིན་བསྐྱངས་པ།

 

 

སྤྱི་ལོ་༢༠༡༡ལོའི་ཟླའི་བརྒྱད་པའི་ཚེས་བཅུ་གསུམ་ཉིན་གྱི་ཆུ་ཚོད་བཅུ་གཅིག་ཙམ་ལ། འཁོན་རིགས་བསྟན་པའི་བདག་པོ་༧དཔལ་ས་སྐྱ་༧ཁྲི་འཛིན་རིན་པོ་ཆེ་མཆོག་རྒྱལ་ཡུམ་གདུང་སྲས་སྐུ་གཞོན་དང་བཅས་པ་ཝ་ཞིང་ཁྲོན་མངའ་སྡེའི་རྒྱལ་ས་ཨོ་ལིམ་པིས་ཡ་རུ་ཡོད་པའི་དགེ་བཤེས་འཇམ་དབྱངས་ཀྱི་ན་ལེནྡྲ་ཆོས་ཚོགས་ནས་ཕུན་ཕོའི་གདུང་སྲས་མ་ཏི་བཛྲ་དང་ཆོས་ཚོགས་གཙོ་འཛིན། ས་སྐྱ་དགོན་པའི་མཁན་པོ་བྱམས་པ་དང་སྤྲུལ་སྐུ་ཡེ་ཤེས་སོགས་ཀྱི་ཕེབས་བསུ་དང་བཅས་ཆིབས་ཞལ་སེ་ཨ་ཁྲལ་དུ་བསྒྱུར་ཅིང་། ཕྱག་ཚོད་བཅུ་གཉིས་དང་ཕྱེད་ཀ་ཙམ་ལ་ཕུན་ཕོའི་བདག་ཆེན་རིན་པོ་ཆེ་མཆོག་གི་གཟིམ་ཤག་ཏུ་ཕེབས་འབྱོར་སྐབས། ཕུན་ཕོའི་གདུང་སྲས་རྣམ་པ་དང་བདག་མོ་རྣམ་པ་སོགས་ཀྱི་ཕེབས་བསུ་དང་བཅས་ཕུན་ཕོའི་གཟིམ་ཤག་ཏུ་ཕེབས་ནས་༧བདག་ཆེན་འཇིགས་བྲལ་རིན་པོ་ཆེ་མཆོག་དང་གསེར་ཞལ་ལྷན་འཛོམས་ཀྱིས་ཉིན་གུང་གསོལ་ཚིགས་འདེག་འབུལ་དགྱེས་བཞེས་གནང་ཞིང་། ཉིན་རྒྱབ་ཕྱག་ཚོད་གཉིས་པའི་སྟེང་ས་སྐྱ་དགོན་པར་ཆིབས་བསྒྱུར་གྱིས་ས་གནས་བོད་རིགས་ཚོགས་པའི་བཀོད་སྒྲིག་འོག་བདག་ཁྲི་རིན་པོ་ཆེ་མཆོག་གིས་བོད་རིགས་བརྒྱ་དང་ལྔ་བཅུ་སྐོར་ཞིག་ལ་བོད་མིའི་བཟང་སྤྱོད་གོང་སྤེལ་དང་ངན་སྤྱོད་ལ་གཟབ་དགོས་པའི་བཀའ་སློབ་རིན་ཐང་བྲལ་བ་ཞིག་བསྩལ་གནང་མཛད། དེའི་རྗེས་སུ་ཆུ་ཚོད་བཞི་པའི་སྟེང་དུ་ཁམས་སྒ་བ་ནས་ཡིན་པའི་བོད་རིགས་སྐོར་ཞིག་གིས་ཁམས་པའི་ཞབས་བྲོའི་མཆོད་སྤྲིན་ཕུལ་བར་དགྱེས་གཟིགས་མཛད་ཅིང་། མཇུག་ཏུ་ཞབས་བྲོ་བ་ཚོ་དང་ལྷན་དུ་སྐུ་པར་བསྒྲོན་གནང་མཛད། ཕྱི་དྲོར་གོང་མ་རྣམ་གཉིས་ལྷན་བཞུགས་ཀྱིས་དགོང་དྲོའི་གསོལ་ཚིགས་ཕུན་ཕོའི་གདུང་སྲས་ས་དྷུ་བཛྲ་མཆོག་གི་གཟིམ་ཤག་ཏུ་བཞེས།

View the embedded image gallery online at:
http://sakya.org/tibetanhome.html?limitstart=0#sigProId59b022d29a

 ཚེས་བཅུ་བཞི་རེས་གཟའ་ཉི་མའི་སྔ་དྲོར་༧བདག་ཁྲི་རིན་པོ་ཆེ་མཆོག་ཝ་ཤིང་ཁྲོན་མཚོ་འགྲམ་དུ་ས་སྐྱ་དགོན་པས་སྤྱན་རས་གཟིགས་ཀྱི་བཀའ་དབང་ཆེད་གཡར་པོ་ཞུས་ཡོད་པའི་ཚོགས་ཁང་ཆེན་མོ་ཞིག་ཏུ་ཕེབས་ཏེ་དབང་སྒྲུབ་མཛད་ཅིང་། ཉིན་རྒྱབ་ཆུ་ཚོད་གཉིས་པའི་སྟེང་ས་སྐྱའི་གདུང་སྲས་རྣམ་པ་དང་བདག་མོ་རྣམ་པས་གཙོས་པའི་མི་མང་བཞི་བརྒྱ་ཙམ་ལ་སྤྱན་རས་གཟིགས་རྒྱལ་པོ་ལུགས་ཀྱི་བཀའ་དབང་ལྷུག་སྩོལ་མཛད་པ་དང་། མཇུག་ཏུ་མི་དམངས་ལ་མཇལ་ཁ་བྱིན་རླབས་བཀའ་དྲིན་བསྐྱངས་ཤིང་། ཕུན་ཕོའི་གདུང་སྲས་ཛ་ཡ་རིན་པོ་ཆེའི་གཟིམ་ཁང་དུ་གོང་མ་རྣམ་གཉིས་ལྷོད་བཞུགས་ཀྱིས་དགོང་དྲོའི་གསོལ་ཚིགས་མཆོད་གནང་མཛད།

View the embedded image gallery online at:
http://sakya.org/tibetanhome.html?limitstart=0#sigProIdbb18840008

ཚེས་བཅོ་ལྔ་རེས་གཟའ་ཟླ་བའི་སྔ་དྲོའི་ཆུ་ཚོད་བཅུ་པའི་སྟེང་དུ་ས་སྐྱ་དགོན་པའི་ལྷ་ཁང་དུ་མི་མང་བརྒྱ་དང་ལྔ་བཅུ་སྐོར་ལ་ས་སྐྱ་པའི་ལྟ་བ་འཁོར་འདས་དབྱེར་མེད་ལས་བརྩམས་པའི་བཀའ་ཆོས་རིན་ཐང་བྲལ་བ་ཞིག་ལྷུག་སྩོལ་མཛད་ཅིང་། དགོང་དྲོའི་ཆུ་ཚོད་དྲུག་པའི་སྟེང་བདག་ཁྲི་རིན་པོ་ཆེ་མཆོག་གིས་དཔལ་ལྡན་ས་སྐྱ་པའི་ཐུན་མོང་མ་ཡིན་པའི་བཀའ་སྲུང་གུར་མགོན་ཕྱག་བཞི་པའི་རྗེས་གནང་བཀའ་དྲིན་བསྐྱངས་ཤིང་། མཇུག་ཏུ་མི་མང་ལ་མཇལ་ཁ་བྱིན་རླབས་བསྩལ་ཅིང་དྲན་རྟེན་གྱི་སྐུ་པར་ཡང་མཉམ་བསྒྲོན་གནང་། དེ་རྗེས་གོང་མ་རྣམ་གཉིས་ལྷན་བཞུགས་ཀྱིས་ཉིན་གུང་གསོལ་ཚིགས་ཕུན་ཕོའི་གདུང་སྲས་ཨ་ནནྡ་བཛྲ་མཆོག་གི་གཟིམ་ཤག་ཏུ་ལྷོད་བཞེས་གནང་།

View the embedded image gallery online at:
http://sakya.org/tibetanhome.html?limitstart=0#sigProId90c6b89ded

གཟའ་མིག་དམར་གྱི་སྔ་དྲོའི་ཕྱག་ཚོད་བདུན་པ་ཙམ་ལ་ས་སྐྱ་ཕུན་ཕོའི་བདག་མོ་སྐུ་ཞབས་དང་མཁན་པོ་བྱམས་པ། སྤྲུལ་སྐུ་ཡེ་ཤེས་དང་ཆོས་ཚོགས་ཀྱི་ཚོགས་མི་རྣམ་པས་ཕེབས་སྐྱེལ་དང་བཅས་སེ་ཨ་ཁྲལ་གྲོང་ཁྱེར་ཉེ་འདབས་ནས་གྲུ་གཟིངས་ལ་བཞུགས་ཏེ་ཝི་ཁུ་ཁྲོ་རེ་ཡ་གླིང་ཕྲན་དུ་ཡོད་པའི་དགེ་བཤེས་བཀྲ་ཤིས་རྣམ་རྒྱལ་གྱི་ཆོས་ཚོགས་སུ་ཆིབས་བསྒྱུར་བསྐྱངས་གནང་མཛད་པ་བཅས་ཐེངས་འདིའི་བདག་ཁྲི་རིན་པོ་ཆེ་མཆོག་གི་སེ་ཨ་ཁྲལ་གྱི་མཛད་རིམ་ཉུང་བསྡུས་སུ་སྤྲུལ་སྐུ་ཡེ་ཤེས་ཀྱིས་བྲིས་པའོ།།

View the embedded image gallery online at:
http://sakya.org/tibetanhome.html?limitstart=0#sigProId8166d55db8

 

Last Updated: Monday, 31 August 2015 16:44

 

Mailing List


Receive announcements about special events as well as a weekly email detailing all activities for the coming week.

 

Make a Donation


Help support Sakya Monastery through a donation or by becoming a Member.

 

Dharma Shop


Purchase select books, CDs, and other items at our online Dharma Shop!